Хоол идэхэд учир бий

1. Амьдралыг тэтгэх
2. Өсөж бойжих
3. Эрүүл байх, сэтгэл санаа өндөр байх
4. Ажиллаж, амьдрахад эрч хүч авахад оршино.

Эрүүл хоол тэжээл нь биед шаардлагатай тэжээлт бодисуудыг агуулсан хоол байх бөгөөд аливаа хоол тэжээлийн дутал, илүүдлээс урьдчилан сэргийлэх болно. Мөн хоол тэжээлийн зохистой тохироо нь хоол тэжээлтэй холбоотой архаг өвчнөөс урьдчилан сэргийлж, ажил хөдөлмөрийн үр дүнд нөлөөлнө. Эрүүл байна гэдэг хялбар зүйл. Та хэдхэн зарчим, ойлголтуудыг ойлгож амьдралын турш мөрдсөнөөр та болон таны үр удам тань эрүүл амьдрах болно гэдгийг санах хэрэгтэй. Хоол хүнсэндээ эслэг, нийлмэл нүүрс усыг бага хэмжээтэй, харин өөх тосыг давамгайлан хэрэглэдэг хүмүүс нь хоол тэжээлтэй холбоотой өвчин болох зүрхний өвчин, таргалалт, хорт хавдар өвчинд илүү өртдөг юм.

Зөв хооллох энгийн дүрэм

Хоол идэхэд чанд нарийн дэглэмийг баримтлах ёстой. Тогтсон цагаар идэж занших нь таны хоол боловсруулах эрхтэнг хямруулахгүй, улмаар таны сэтгэл санаа, амьдралыг тань тайван үргэлжлүүлэх болно.

Хоол идэхэд анхаарах зүйлс:

• Удаан зажилж идэх
• Бага бага хэмжээгээр идэж занших
• Хооллолт үргэлжлэх хугацаа 30-с доошгүй минут байх