Ресторанд орохдоо эрэгтэй хvн, залуу хvмvvс хаалга онгойлгож эмэгтэй хvн, нас ахимаг хvнийг тvрvvлж оруулна. Эрэгтэй хvн гадуур хувцас, ороолт, малгайгаа өлгvvрт өлгvvлнэ. Эмэгтэй хvн өөрөө хvсвэл малгайтай хооллож болно. /их том биш/ Эмэгтэй хvн vйлчлэгчтэй шууд харьцахгvйгээр, харин хамт яваа эрэгтэй хvн нь тvvний хvсэлтийг биелvvлж заншжээ. Хэдийгээр заавал биш боловч эмэгтэй хvнд анхааралтай хандах нь эрэгтэй хvн санах л зvйл юм. Чанга инээх, чанга яриа, их зангах нь эвгvй сэтгэгдэл төрvvлнэ. Ширээн дээр тохойлдож, тvvнчлэн шанаагаа тулж болохгvй.

 

Ширээний ирмэгт зөвхөн сарвуугаа л тавьж болох юм. Хооллох vедээ цэх сууж аль болох бага тонгойж, тохойгоо биедээ ойрхон байлгаж гарын аажим хөдөлгөөнөөр хоолоо идэх хэрэгтэй. Толгойгоо гудайлгах бус, харин халбага, сэрээгээр хоолоо авч идэх нь зохимжтой. Амны алчуурыг өвдөг дээрээ тавина. Хэрчсэн алхыг хутгаар огтолж болохгvй, гараараа хугалж авна. Шөл буюу шvvсэнд талх дvрж идэх нь зохимжгvй. Яаралгvй тайван хооллох бөгөөд хэзээ ч өндөр дуугаар ярьж болохгvй. Халтар хундага муухай харагдах учраас хундага өргөхийнхөө өмнө амаа арчих хэрэгтэй. Хооллох vедээ хутга, сэрээгээ ширээний бvтээлгэн дээр тавьдаггvй, харин тавган дээр зөрvvлж тавина. Хооллосны дараа тавган дээрээ зэрэгцvvлж тавина. Яс, жимсний яс болон хоолны бусад vлдэгдлийг ширээний бvтээлгэн дээр хаяж болохгvй. Хоол идсэн тавагныхаа захад тавина. Бvсгvйчvvд эхэлж хооллох ба сvvлд дуусгавал зvйтэй гэдэг. Ингэснээр хамт яваа эрэгтэй хvнд тайван хооллох боломжтой. Тавгандаа ямар ч зуушнаас нэгмөсөн овоолон хийж авахын оронд бага, багаар 2 дахин хийж авбал зvйтэй гэдгийг мартаж болохгvй. Хооллохдоо тамшаалж, нvvр амаа эвгvй хөдөлгөж, vмхлэн ховдоглон залгих нь зохимжгvй. Амаа жимийж, огт чимээгvй, бага багаар vмхэлж, тайван аажим зажилж идвэл зохино. Эмэгтэй хvнийг хооллож дуусаагvй байхад бvжигт урих нь нийцгvй. Олон нийтийн газарт шvдээ чигчлэх хэрэггvй. Шvднийхээ завсрыг хэлээрээ чигчийлэх нь зохимжгvй байдаг. Хундагыг бялхтал дvvргэдэг ёсгvй. Ширээний араас тvр босож явах хэрэг тохиолдвол ам дvvрэн юмтай босож, явдал дундаа зажилж явах нь зохимжгvй.