Бактерийн эсрэг үйлчилгээтэй саван арьсны зүй ёсны хамгаалалтыг муутгадаг болохоор ийм үйлчилгээтэй гар нүүрийн саванг болгоомжтой хэрэглэхийг эмч нар анхааруулж байна. Их Британид явуулсан сүүлчийн судалгаа бүр ч илүү их сэтгэл хирдхийлгэсэн дүгнэлт хийхэд хүргэжээ. Хэтэрхий их угаах, саван болон аливаа угаалгын хэрэгсэл хэрэглэх, тэр ч байтугай ердийн усанд орох нь маажуур үүсгэх аюултай. Энэ өвчнөөр өвчлөх тохиолдол Англид сүүлийн таван жилд эрс ихэссэн нь эмч нарын үзэж байгаагаар, байнга угаах дадал зуршилтай шууд холбоотой ажээ. Экзем нь эвгүй өвчин төдийгүй харшлын элдэв өвчин, багтраа өвчин үүсэх үндэс суурь болох аюултай. Гар, нүүр, биеэ угаах хэрэгтэй нь мэдээж, гэхдээ хэтэрхий их усанд орох болон угаагч хэрэгслийг хэтрүүлж хэрэглэх хэрэггүй юм байна. УБ таймс