Өөх тос, чихэр ихтэй хүнс, тэр дундаа түргэн хоол эрүүл мэндэд сөрөг нөлөөтэй гэгддэг ч ой санамж сайжруулдаг эерэг талтайг судлаачид тогтоожээ. АНУ-ын Калифорнийн их оургуулийн эрдэмтэд хагас боловсруулсан, шарж хуурсан хоолонд их хэмжээгээр агуулагддаг өөх тосыг хулганад өгч тархиных нь үйл ажиллагааг нарийвчилсан олон судалгаагаар ажигласан байна. Судалгааны багийн ахлагч Даниэль Пиомеллигийн хэлснээр өөх хэр ихтэй болон чихэрлэг, шорвог хүнсийг эрс хорих нь буруу бөгөөд их хэмжээгээр хэрэглэвэл хор болдог эдгээр хүнсийг зөв цагт тохируулан хэрэглэвэл үр өгөөжтэй гэнэ.

 

Ихэвчлэн хурц амт, дуршил хөдөлгөм үнэртэй байдаг түргэн хоол, амтат зуушыг өглөө болон үдээс өмнө идэх нь эрүүл мэндэд тустай. Энэ нь өсвөр насныханд илүү хамаатай бөгөөд бага хэмжээний амттан тархины үйл ажиллагааг сэргээж, ой санамж сайжруулдаг нь Д.Пиомеллигийн багийнхны дээрх судалгаагаар эцэслэн батлагдсан нь энэ.