CD болон DVD-г хэрхэн удаан хадгалах вэ?

Бидний худалдан авсан CD болон DVD хэсэг хугацааны дараа гэхэд гацаж эсвэл тоглуулагч CD-г дэмжихгүй гэх зэрэг асуудлууд гарч ирдэг шүү дээ. Дуртай, хэрэгтэй CD, DVD-үүдээ удаан хугацаагаар аюулгүй хадгалах нь зөвхөн биднээс шалтгаалдаг гэнэ. Тэгэхээр та үүний тулд юу хийх талаар доорх зөвлөмжөөс олж уншаарай.

• CD болон DVD-гээ барихдаа үзүүр хэсэг эсвэл дундах онгорхой хэсгээс барих хэрэгтэй. Ёроол хэсгээс хэзээ ч барихгүй байхыг зөвлөж байна.

• CD-гээ CD тоглуулагчдаа хийхдээ маш болгоомжтой байх хэрэгтэй ба ямар нэгэн байдлаар хүчлэх хэрэггүй.

• CD-нүүдээ хатуу хаалттай саванд хадгалах нь их чухал, уут цүнхэнд хийх нь CD-г гэмтэлд учруулдаг болохыг анхааруулж байна.

• Мөн CD-нүүдээ бүрэн чийггүй газруудад хадгалж түүнчлэн хэт хүйтэн хэт халуун газарт удаан хугацаагаар байлгахаас татгалз.

• Нарны шууд тусгалаас хол байлгахыг мөн зөвлөж байна.

Дээрх цөөхөн боловч энгийн алхмуудыг та хийснээр үр дүнг нь харах болно. Хэрэгжүүлээрэй!